Chwolno dupa Roz ci chwolno dupa była, Co sie yno sztyjc chwolyła: Jo ze wszyskich nojszwarniyjszo, Kiecka moja nojmodniyjszo, A te ruchy i ta gracjo, Moga iść na prezyntacjo! Wonsko w pasie , w płucach srogo, A na karku kieta drogo. I w niedziela i bez tydziyń, W świontek , piontek , w kożdy dziyń Czytom ci jo ksionżek tela Boch je mondro ajnfach frela! Wjym kaj Rybnik i Warszawa, Wisła , Odra , Warta , Drawa... Kaj som Niymce , a kaj Chiny, Znom jo góry i doliny, I w gyszichcie i w liczyniu Wszyskich pozostawja w ciyniu... No a moja familijo? Bratow mojich kożdy mijo, Takie mocne som to chopy, A zaciynte do roboty ! A mamulka jako szwarno, Przi nij miss to gynś je marno! Fater moj choć taki wielgi, To jij nosi dziynnie nelki, Że jij cołko wieś zowiści, Takie u nos egojiści... I nojwjynkszo mom chałupa! Takoch ci je chwolno dupa...
SLAWEKZAW