LYŃ
Na szeslągu siedzi lyń
Nic nie robi cały dziyń,
A kto siedzi na kanapie i drapie sie po szłapie ?
A kto zjod dwa kołoczki, co je dostoł łod ciotki ?
A kto dzisioj ze sznojdra szczyloł ?
A kto bombony z tytki wybiyroł ?
Na szyzlagu siedzi lyń
Nic nie robi cołki dziyń.
- Wyboccie, a nie jodłech wodzionki ?
A nie ukroiłech wyndzonki ?
A nie uciyrołech kichola ?
A nie przezywołech gorola ?
No i co, to zaś nic ?
Nie boł we szkole, bo mu się nie chciało,
Nie łodrobiuł zadanio, bo casu mioł za mało.
Nie zawiązoł sznurówek łod szczewików, bo ni mioł ochoty,
Nie pedzioł "Dziyń dobry", bo za dużo z tym roboty.
Nie ciepnoł gołymbiom kaszy, bo stoła na bifyju w taszy.
Mioł zjeść kolacjo, ino gymbom mlasnął,
Mioł sie legnąć, nie zdążył bo po prostu zasnął.
Śniło mu sie, że na grubie robioł,
Łobudzioł sie i w gowa zachodzioł
Czy łon sie doprowdy tak ciynżko narobioł ?
Żuraw i czapla Zmierzło sie już żurawiowi sztyjc samymu ryby łowić... łoroz, luknył ku przikopie: czapla gryfnie woda słopie. Gibko pylnoł sie bez woda i zaczyno do ni godać: W ajncli kustu mom za tela, drap sie rychtuj do wesela! Jak sie czapla rozciepała: Chcesz, bych cie po dzióbie sprała? Czy mi co na dekel pizło? Dom sie skusić jakomś glizdom? Jeszczech na łeb nie upadła, coby wydać sie skiż jadła.
Kto ty jesteś? Czyś ty Polok? Jo Polokiym, Ale żech tyż je Ślązokiym! Kaj ty miyszkosz? Tu na Śląsku, Na tym pięknym Polski konsku! Kim je Polska? Mą Ojczyzną! A kim Śląsk? Je Ojcowizną! Przejesz Polsce? Toć, że przaja! A Śląskowi? On Mo raja Piyrszo, on je zawsze piyrszy, Najważniejszy, nojpiykniyjszy! Skąd się Śląsk wziął? Wziął się z tchnienia Ponboczkowego stworzenia! Jaką godką godosz? Godom Naszą piykną polską mową,
ale jednak fest się starom Godać śląską godką, gwarą! Dbosz o gwara? Chca by była, Żeby nigdy niy zginyła, Bo Slązoki to niy gynsi! Niych się nom Ślązokom szczynści!
Masara" Z brałzy kożdy korzysto, A masara chciała być czysto. W niydziela siadła na czornym murze, A w poniydziałek toplała sie w żurze, We wtorek w jakiś zupie chyba, A zaś we środa – siadła na oberiba, We czwortek siupła na ciotce Rołzie A w piontek we tatarskij zołzie, W sobota – w apfelmusie... Cy łona sie tak marasić musi? Co po tym miała? Zmartwiynie miała, Chciała być szykowno, nic niy wyłazi, No ale co jak durś siado w belejaki mazi... Łona niy wiy, że to je w modzie, Coby się casym wykompać w wodzie.
agneeze